سنة اولى نفسية

سنة اولى نفسية

نفسك .. جسمك .. علاقاتك

اسم المؤلف : شيماء الجمال

سنة أولى نفسية كتاب هيساعدك تفهم ذاتك وتصاحبها، وتحب جسمك، وتحترم نفسك جوه علاقاتك. في سنة 2016 اتشخصت باضطراب وجداني ثنائي القطب، ومن يومها حياتي اتغيرت، ومن يومها وأنا باقرأ بشكل مكثف في الصحة النفسية، وباحضر جلسات علاج نفسي، فردية وجماعية، بشكل منتظم، وباكتب كل اللي باتعلِّمه فيها، وبدأت من سنتين الدراسة المتخصصة. في أول الرحلة كنت متلخبطة، وكانت الكتب النفسية العلمية معقدة عليا وصعبة، وكان نفسي أقرأ كتب بسيطة تاخدني في رحلة فهم الذات والعلاقات. وبعد ما مشيت خمس سنين كاملة في الكتابة والدراسة قررت إني أحاول أقدِّم الكتاب ده؛ كتاب يساعد كل شخص يبدأ المشوار، كتاب ينوَّر شوية مفاهيم صعبة ويوصَّلها بشكل بسيط للي لسه بيبدأوا طريق الوعي النفسي. الكتاب ده ليك لو لسه بادئ رحلة البحث عن الذات، لو لسه بتدوَّر على نفسك وعايز تقف على أرض صلبة.. علشان كده اسمه سنة أولى نفسية