قصتنا “لن يفوتنا ما قسمه الله لنا” مش بس بتحكي عن فستان… دي بتحكي عن حالة بنعيشها احنا الامهات وأطفالنا، حالة “الخوف من الفوات”… 💭 القصة بتوقف الزمن شوية، وبتهمس في اذن الام لتغرس في طفلها : “اهدأ… اللي مكتوبلك، هيوصلك.” ✨ ومن خلال مشاعر ٣ بطلات: • صفاء اللي كانت خايفة الحاجة تروح منها • عائشة اللي اتعلمت إن الله بيقسم كل شيء بحكمة • ومي اللي اختارت بنفسها وهي مطمئنة إن كل شيء بإذن الله ✦ استخدمنا في القصة مفاهيم زي “القدر”، “القسمة”، و”النصيب” ما خفناش من الألفاظ الكبيرة… لأن اللغة هي بوابة الفهم ولأن الطفل اللي يتربى على كلمات عظيمة… هيفهم معانيها يوم ورا يوم مش لازم يلمّ بكل حاجة من أول مرة لكن من أول مرة… ممكن قلبه يطمن. 🌱 القصة دي مش بتتقرأ مرة وخلاص، دي قصة تترسّخ، وتُعاد، وتتحوّل لحوار، وسؤال، وضحكة، ودمعة رضا كل مرة بتحكيها، بتفتحي باب جديد لطفلك يتطمن ان “لن يفوتنا ما قسمه الله لنا”